【自助餐放蛇起底组】$228生蚝和牛任烧 刺身寿司天妇罗放题

  •    2020-06-13
  • 食日式放题或者日式烧肉,平时净係食其中一样都要百几二百蚊,今次呢间竟然$228就可食哂两样,食足两个钟头有和牛、海鲜、刺身…任食,价钱就抵喇,好唔好食先?立即去片!

    帆立贝无货 生蚝顶上 仲正!

    烧肉方面选择都有好多,以划纸仔嘅形式落单,猪、牛、鸡、海鲜样样齐,牛有黑毛霜降和牛、熊本一口和牛;猪有极上黑豚肉;海鲜仲有帆立贝,全部任食,就咁睇落单纸嘅图都几吸引。

    落单后上菜嘅速度算快,而且摆盘都几整齐,但有漏单同上唔齐嘅问题。味道方面,厚切牛舌同黑椒一口牛肋肉重牛味,值得一试。但和牛质素就非常普通,牛味好淡近乎无味,而且油份相对地较多。海鲜方面选择有好多,包括帆立贝、小玉贝、鲭鱼、乌贼、手拳咁大只虾等。而呢一排因为无哂帆立贝,以日本生蚝代替!生蚝每面各烧3分钟就食得,味道鲜甜,食落Juicy略嫌有蚝壳碎,但呢个价可以任食烧蚝都真係唔错!其他海鲜就一般般啦。

    【自助餐放蛇起底组】$228生蚝和牛任烧 刺身寿司天妇罗放题
    落单係以划纸仔嘅形式。
    【自助餐放蛇起底组】$228生蚝和牛任烧 刺身寿司天妇罗放题
    摆盘整齐,猪嘅选择几多,但质素一般。
    【自助餐放蛇起底组】$228生蚝和牛任烧 刺身寿司天妇罗放题
    极上黑豚肉,係「图片只供参考」嘅最佳例子,食落除咗油之外无咩感觉。
    【自助餐放蛇起底组】$228生蚝和牛任烧 刺身寿司天妇罗放题
    赤豚蒜芯卷,虽然睇个味都唔太清楚係咩黎,但食落几清新唔错。
    【自助餐放蛇起底组】$228生蚝和牛任烧 刺身寿司天妇罗放题
    厚切牛舌比薄切嘅好味,有咬口得黎牛味唔错,而且相对无薄切嘅油。
    【自助餐放蛇起底组】$228生蚝和牛任烧 刺身寿司天妇罗放题
    和牛质素就非常普通,牛味好淡近乎无味。
    【自助餐放蛇起底组】$228生蚝和牛任烧 刺身寿司天妇罗放题
    海鲜有帆立贝、小玉贝、鲭鱼、乌贼、手拳咁大只虾等。
    【自助餐放蛇起底组】$228生蚝和牛任烧 刺身寿司天妇罗放题
    生蚝每边各烧3分钟,就食得!
    【自助餐放蛇起底组】$228生蚝和牛任烧 刺身寿司天妇罗放题
    食落口比较惊喜,係几鲜甜!

    刺身多选择 食落唔多新鲜

    烧完肉都想食返啲冻野,呢度嘅日式放题就可以满足到。食得放题就梗係想狂食刺身,刺身有三文鱼、吞拿鱼、剑鱼腩、大甜虾、八爪鱼、鲍片、北寄贝同玉子烧。刺身选择係几多,色泽都算唔,可惜得个样,食落唔多新鲜。除咗三文鱼同鲍片之外,其他食落唔太鲜味,甜虾唔够爽口弹牙、剑鱼腩偏腥。

    【自助餐放蛇起底组】$228生蚝和牛任烧 刺身寿司天妇罗放题
    刺身睇落唔错,但味道就得三文鱼同鲍片比较好。

    寿司有创意 味道见仁见智

    9张任食纸,除了刺身,还有主食、炸物、天妇罗、各式唔同嘅寿司等。呢度嘅寿司都几特别,有海胆三色花、海胆黑松露寿司、肉鬆菠萝鳗鱼卷同韩牛卷。寿司创意分满分,但食落味道就真係见仁见智啦,而且呢间寿司饭偏湿。海胆三色花嘅海胆份量比图嘅少,但味道唔错。而肉鬆菠萝鳗鱼嘅配搭真係一流咁新颖,食落肉鬆味出,唔多食到鳗鱼味。

    【自助餐放蛇起底组】$228生蚝和牛任烧 刺身寿司天妇罗放题
    韩牛卷嘅韩牛较韧。
    【自助餐放蛇起底组】$228生蚝和牛任烧 刺身寿司天妇罗放题
    海胆三色花,海胆份量较少,但味道唔错。

    环境舒适 服务一般

    【自助餐放蛇起底组】$228生蚝和牛任烧 刺身寿司天妇罗放题

    环境其实就好阔落,枱同枱之间分隔都几远,都唔会嘈。不过唔知点解有几张枱明明係有抽油烟机,但係无人坐;其他枱无抽油烟机,但又坐哂人!究竟係点派位呢?服务方面除咗门口经理服务较好,其他店员态度一般,面黑黑极cool啰。

    总结: 食物选择多,而且抵食,一个价钱食哂两种任食。不过食物卖相唔讨好,除咗牛舌同生蚝之外,任食和牛及其他烧物质素比想像中差,唯日式放题刺身寿司选择够多,味道亦尚算中规中距勉强过关。

    总分:6/10

    【自助餐放蛇起底组】$228生蚝和牛任烧 刺身寿司天妇罗放题

    烧魂一

    地址:尖沙咀漆咸道南57-59号金马伦中心2楼(显示地图)

    电话:2366 6072

    营业时间:6pm-01:30am

    $228 放题供应时间:星期一至四 6pm-8pm/ 9:30pm 后

    用餐时间:入座时间起计2小时

    备注:设加一,收信用卡


  • 相关新闻